Бразилиялик афсонавий футболчи Кака фаолиятини расмай якунлагани ҳақида маълум қилди. 35 ёшли собиқ футболчининг сўнгги жамоаси «Орландо Сити» бўлди.

«Ҳаётимни профессионал тарзда давом эттиришни ўйладим ва бунга бироз вақт керак бўлди.

Яқинларим билан суҳбатлашдим ва бир қатор ўйинларни кузатиш учун Европага қайтдим.

Эндиликда ўзимни менежер ёки клуб спорт директори сифатида синаб кўришни истайман.

Яхши футболчи бўлганлигим факт, аммо бу яхши раҳбар бўлишимни кафолатламайди. Шунинг учун яхшироқ тайёргарлик кўришни истайман. Ўқийман, тажриба орттираман ва қайсидир клуб билан боғланаман. Бу мен ўйнаган жамоалардан бири бўлади», — дейди Кака.

Олдинроқ Кака «Милан»да иш бошлаши ҳақида хабарлар тарқалганди. Маълумот учун, бразилиялик футболчи «қизил-қоралар» таркибида Италия чемпионати, Чемпионлар лигаси, УЕФА суперкубогини қўлга киритган ва «Олтин тўп» совринига эга чиққан.