“ПСЖ” клуби ҳужумчиси Килиан Мбаппе Франциянинг ўтган мавсумдаги энг яхши ёш футболчиси сифатида эътироф этилди.

18 ёшли ҳужумчи Telefoot нашри томонидан тақдим этиладиган совринни қўлга киритиш йўлида Антони Марсьяль (“Манчестер Юнайтед”) ва Максим Лопес («Марсель») каби футболчиларни ортда қолдирди.

Маълумот учун, Мбаппе ўтган мавсум “Монако” сафида Франция чемпиони бўлиш билан бирга ЕЧЛнинг ярим финал босқичига етиб борганди.

Эслатиб ўтамиз, Мбаппе жорий йилги ёзги трансферлар мавсумида “Монако”дан “ПСЖ”га кўчиб ўтди ва барча мусобақаларда 21 марта майдонга тушиб, 11 марта рақиб дарвозасини ишғол қилди.