“PSJ” klubi hujumchisi Kilian Mbappe Fransiyaning o‘tgan mavsumdagi eng yaxshi yosh futbolchisi sifatida e’tirof etildi.
18 yoshli hujumchi Telefoot nashri tomonidan taqdim etiladigan sovrinni qo‘lga kiritish yo‘lida Antoni Marsyal (“Manchester Yunayted”) va Maksim Lopes («Marsel») kabi futbolchilarni ortda qoldirdi.
Ma’lumot uchun, Mbappe o‘tgan mavsum “Monako” safida Fransiya chempioni bo‘lish bilan birga YECHLning yarim final bosqichiga yetib borgandi.
Eslatib o‘tamiz, Mbappe joriy yilgi yozgi transferlar mavsumida “Monako”dan “PSJ”ga ko‘chib o‘tdi va barcha musobaqalarda 21 marta maydonga tushib, 11 marta raqib darvozasini ishg‘ol qildi.
