“Эвертон” клуби ҳужумчиси Уэйн Руни “Арсенал” раҳбарияти Месут Ўзил ва Алексис Санчесни ўтиб кетган ёзги трансферлар мавсумидаёқ қўйиб юборишлари кераклигини таъкидлади.

“Икки футболчи ҳам шартномаларини узайтиришмади. Бу кўп нарсани маълум қилади. Ўйлашимча, улар келаётган мавсумда “Арсенал”ни тарк этишади. Менимча, “канонирлар” ёзги трансферлар мавсумида бу икки футболчини сотишганида тўғри иш бўларди.

Ҳа, улар топ футболчилар ҳисобланишади. Аммо жамоада ўйнаш истаги борларгина қолиши керак. Ўзил ва Санчес жамоада қолишга қарор қиладиган бўлса унда яна бир тушунарсиз савол туғилади”, - дейди Руни.

Маълумот учун, қишги трансферлар мавсумида Месут Ўзил “Манчестер Юнайтед”га, Алексис Санчес эса “Реал”га ўтиши мумкин.