«Барселона» ҳужумчиси Лионель Месси Испания чемпионатининг 17-туридан ўрин олган «Реал»га қарши учрашув борасида ўз фикрлари билан ўртоқлашди.

«Таъқибчилар билан орадаги фарқни ошириш учун бу учрашувда ғалаба қозонишни истаймиз. «Реал» майдонида тўп суриш — ҳар доим ўзига хос бир воқеа. Йилни ғалаба билан якунлаб янги йил байрамини юқори кайфиятда кутиб олсак, ажойиб иш бўларди», — дея Мессининг сўзларини келтиради Marca нашри.

Ҳозирги вақтда «Барселона» Ла-лига турнир жадвалида 42 очко тўплаб пешқадамлик қилмоқда. «Реал» 31 очко билан 4-ўринда, аммо уларда битта ўйин захираси бор.