Осиё футбол конфедерацияси (ОФК) ташкилотга аъзо мамлакатлар федерацияларининг янги техник рейтингини эълон қилди.

Унга кўра, Ўзбекистон 43.305 балл билан қитъада 9-ўринни банд этиб турибди. “Ғарб” минтақасида Ўзбекистон 5-мамлакат бўлиб турибди.

Мазкур рейтингни БАА 95.94 балл билан бошқариб турибди. Жанубий Корея эса 87.48 балл билан 2-поғонага жойлашган. “Кучли учлик”ни Хитой 86.671 балл билан якунлаб турибди.

Маълумот учун, ОФК техник рейтинги терма жамоаларнинг ФИФА рейтингидаги балларнинг 10 фоизи, тегишли ассоциациялар клубларининг ОЧЛ ва ОФК Кубоги халқаро мусобақаларида жамғарган балларининг 90 фоизидан ташкил топган.

Қайд этиш керакки, якуний техник рейтинг 2019 ва 2020 йиллардаги ОЧЛ ва ОФК Кубоги мусобақалари учун ОФКга аъзо мамлакат ферерациялари клубларига ажратиладиган квоталар сонига таъсир қилади.