"Ас-Садд" яримҳимоячиси Хави "Реал" ва "Барселона" учрашуви олдидан фикрлари билан ўртоқлашди.

"Вальверде билан "Барселона" кўпроқ жамоавий ўйин кўрсата бошлади, янгилар жамога яхши мослашиб кетдилар.

"Барселона" салобатли кўринмоқда, у класико фаворити. Мағлубият "Реал"ни чемпионлик пойгасидан деярли чиқариб юборади. Мадридликлар унча яхши ўйин кўрсатмаяптилар, аммо клублар ўртасида жаҳон чемпионатидаги ғалаба уларга қувват бериши мумкин.

Вальверде "Барселона"га ҳужумкор футболни сингдирди, улар яхши прессинг уюштиряптилар ва ҳар доим тўпга эгалик қилишга уринмоқдалар. "Реал" қандай ўйнашини кўрамиз, улар баъзан тўпсиз яхши ўйнайдилар аммо "Барселона" майдонда устунлик қилишга уринса керак.

Августда "Реал"ни шундай кучли кўриш ёқимсиз бўлган эди, аммо қасос ўти ҳеч қаерга кетмаган. "Барселона" ақлбовар қилмас усул билан уддалади. Суперкубокдаги мағлубият қўшимча мотивация бўлолмайди, чунки класико олдидан ҳамма нафасини ростлаб олган", - дейди Хави.