Лондонинг “Арсенал” клуби ярим ҳимоячиси Жек Уилшир собиқ жамоадоши Томаш Росицки ҳақида ўз фикрларини билдирди.
“Томаш билан яхши чиқишардик. Афсуски, Росицки бутун фаолияти давомида жароҳатлар билан курашиб келди.
Тўғрисини айтсам, фаолиятим давомида ундан кучлироқ футболчи билан ёнма-ён ўйнамаганман. Футболчи сифатида уни ҳурмат қиламан.
Томаш тўпни майдони ўртасидан туриб рақиб дарвозаси томон ёриб киришни ёқтирар эди. Менимча, у “Арсенал”да қадирланмади.
Балки бундай бўлишига жароҳатлари сабаб бўлгандир. Аммо, мухлислар Росицкини яхши кўришарди”, - дейди Уилшер.
