Мюнхеннинг “Бавария” жамоаси футболчиси Кингсли Коман жамоасида қолади.
Шартномаси 2020 йилга қадар давом этса-да, клубдагилар 21 ёшли футболчи билан келишувни 2023 йилга қадар узайтириб олишни маъқул кўришди.
Коман “Бавария” таркибида 2015 йилдан бери тўп сурмоқда. У “Ювентус”дан 21 миллион евро эвазига кўчиб ўтган.
Бу мавсумда у барча турнирларда клуб учун 24 учрашувда иштирок этиб, 4 гол урди ва 7 голга ассистентлик қилди.