Мюнхеннинг “Бавария” жамоаси аъзоси Томас Мюллер Германия кубоги 1/8 финали доирасида Дортмунднинг “Боруссия” (2:1) клуби устидан қозонилган ғалаба ҳусусида тўхталди.

“Биринчи бўлимдаги ўйинимиздан мамнун бўлмадим. Жуда пассив ўйин кўрсатдик. Бироқ 2 гол фарқи билан олдинда бораётган вақтда ҳам ҳотиржамликни сақлаб қолиш керак эди. Бу руҳий томондан осон эмас. Биз орқага қадам ташладик ва “Боруссия”га ҳужум қилишлари учун қўйиб бердик. Аммо якунда ғалабага эришдик.

Кенг ҳажмли ишни бажардик, лекин муҳокама қилинадиган гаплар жуда кўп”, - дейди Томас.