“Ювентус” жамоаси бош мураббийи Массимилиано Аллегри “Рома” устидан қозонилган ғалабадан кейин ҳужумчи Пауло Дибала борасида гапирди.

“Шундай вазиятлар борки, сизга бир футболчи керак, бироқ шундай паллалар бўладики, жамоага бошқалар керак. Бугун бизга мустаҳкамлик ва омад керак эди. Агарда Дибала майдонга тушганида, у ўзини кўрсата оларди.

Дибала ҳолатни тушунмоқда ва менинг қарорларимни хурмат қилади. Чоршанба куни у Италия Кубогида яхши ўйин ўтказди. Учрашувдан кейин унга “Рома” билан баҳсда бошқача ҳужумчи кераклигини тушунтиргандим”, - дейди мураббий.