Мадриднинг “Реал” клуби “Барселона”дан учраган мағлубият (0:3) дан сўнг қишги трансферлар мавсумида ўз режаларини ўзгартирди.

Хабарларга қараганда, “қироллик клуби ” “Атлетик” клуби дарвозабони Кепа Аррисабалага билан келишувга эришганди. Аммо, “Реал” ҳозир бор диққатини ҳужум чизиғини кучайтиришга қаратган.

Зиданга  марказий ҳужумда ҳаракатланаётган Карим Бензема ўйини манзур бўлмаётгани учун “Реал” раҳбарияти тезлик билан  Миланинг “Интер” клубидан Мауро Икардини сотиб олиш истагида.

“Интер” 24 ёшли футболчи билан молиявий фейр-плей сабаб янги шартнома туза олмайди. Шуни ҳисобга олиб, Икарди фаолиятини катта эҳтимол билан “Реал”да давом эттиради.

Эсалтиб ўтамиз, Икардининг “Интер” билан тузган амалдаги шартномаси 2021 йил ниҳоясига етади.

Маълумот учун, Мауро жорий мавсум Италия “А” сериясида  18 ўйинда иштирок этиб, 17 гол муалифига айланган.