Германиянинг “Шальке” клуби ярим ҳимоячиси Леон Горецка фаолиятини “Бавария” клубида давом этирадиган бўлди.
Хабарларга кўра, унинг хизматларига “Ливерпуль” ва “Барселона” клублари қизиқиш билдирган. Аммо, Горецка уларга рад жавобини қайтарган.
Якунда 22 ёшли футболчи “Бавария” клубини танлади. Эндиликда Леон ёзда эркин агент сифатида мюнхенликлар таркибига қўшилади.