Лондоннинг “Арсенал” клуби бош мураббийи Арсен Венгер нега фаолиятини якунламаётганини тушунтириб берди.
“Мураббийлик касби наркотик моддага ўхшайди. Бу касбга яна қайтишни хоҳлайвераман. Юқори босим остида қолишдан қўрқмайман. Энг ёмони бизга ҳеч ким босим ўтказмаслиги натижасида хаёт бўшлиққа айланиб қолади.
Кўплаб касбдош дўстларим бор. Улар ҳар доим “бўлди етар”, дейишади. Аммо, яна ишга қайтишга мажбур бўлишади. Фаолиятни тугатишга уларни юраклари йўл қўймайди. Бу чинакам телбалик.
Футболда юқори мақсадларга эришиш юракдан ҳеч қачон чиқиб кетмайди. Футбол чинакамига завқ олдирадиган спорт тури”, - дейди Венгер.
