"Барселона" ҳужумчиси Лионель Месси оилавий ҳаёти ҳақида сўзлаб берди.
"Мен ҳам ҳамма қтори инсонман. Оилавий ҳаёт билан яшайман. Ҳа, баъзан кўчада эътибор тортмаслик учун ҳеч ким танимайдиган одамга айлангим келади. Уйда футбол ҳақида кам гаплашамиз. Кечки овқат вақтида футбол мавзуси чиқиши учун "Барселона" ёки Аргентина термасига оид катта сабаб бўлиши керак.
Ота бўлиш - ақлбовар қилмас ҳиссиёт. Оталик мени қаттиқ ўзгартирди. Баъзи нарсаларга бошқача кўз билан қарайдиган бўлдим. Оталик - ҳаётимда юз берган энг ёқимли туйғу. Буни тасвирлаб бўлмайди", - дейди Месси.
Месси турмуш ўртоғи Антонелла Рокуццо билан 5 ёшли Тьяго ва икки ёшли Матеони тарбияламоқда.
