Италиянинг “Торино” клуби бош мураббийи Синиша Михайлович Италия кубогида “Ювентус”га қарши ўйиндан (0:2) сўнг истефога чиқарилди.
Хабарларга кўра, “Торино” раҳбарияти “Уотфорд”, “Интер” ва “Наполи” собиқ бош мураббийи Вальтер Мадзарри билан музокараларни бошлаб юборган. Агарда Мадзарри таклифни қабул қилса, унга қишги трансферлар мавсумида жамоани кучайтириш учун сармоя ажратилишга ваъда берилган.
Маълумот учун, Синиша “Торино”да 2016-йилдан бери жамоани бошқариб келаётганди. Бу мавсумда “анорранглилар” 17 ўйиндан кейин 4 ғалаба, 8 дурранг ва 5 мағлубиятга учрашган. Ҳозирда “Торино” Италия А сериясида 19-турдан кейин 10-ўринни эгаллаб турибди.
