"ПСЖ" бош мураббийи Унаи Эмериўтган йилги "Барселона"га қарши ўйинлар ҳақидаги саволга жавоб берди.
Парижликлар ЕЧЛнинг ўтган мавсумида ўз уйларида каталонияликларни 4:0 ҳисобида мағлуб этиб, Барселонада 1:6 ҳисобида ютқазганлар ва мусобақани тарк этган эдилар.
"Бу қарама-қаршиликни икки қисмга бўлиш мумкин. Биринчи ўйинда кучли рақибни ишончли тарзда мағлуб этдик, "Камп Ноу"да эса шу жамоага қаршилик қила олмадик. Бизнинг ихтиёримизда бўлмаган яна бир сабаб бор эди.
Мен ҳакамларнинг топ-клубларни кўпроқ ҳурмат қилишларини назарда тутяпман. Бир йил ўтиб вазият ўзгарди. Энди биз топ-клубларга қарши кўпроқ имкониятга эгамиз, бизни Европада кўпроқ ҳурмат қилишмоқда, ҳакамлар ҳам кўпроқ ҳурмат қила бошладилар", - дейди Эмери.
