"Реала" бош мураббийи Зинедин Зидан ушбу қишки трансферлар чоғида жамоага янги футболчилар сотиб олинмаслигини билдирди.

Аввалроқ, мадридликлар Кепа Аррисабалага ("Атлетик") ва Тибо Куртуа ("Челси") каби дарвозабонлар, Эден Азар ("Челси") ва Ҳарри Кейн ("Тоттенҳэм") каби футболчиларни сотиб олиши мумкинлиги ҳақида хабарлар тарқалган эди.

"Айни пайтда бизга ҳеч ким керак эмас. 31 январгача нима бўлишини кўрамиз, аммо ҳозир бизда ҳеч қандай режа йўқ. Мен ўз жамоам таркибидан мамнунман", - дейди Зидан.

Испания чемпионатининг 18-турида "Реал" "Сельта" билан дуранг ўйнади (2:2). Энди Мадридликлар мусобақа пешқадами "Барселона"дан 16 очко ортда қолмоқда.