"Тоттенҳэм" бош мураббийи Маурисио Почеттино клубларга ўз таркибларида яхши футболчиларни сақлаб қолиш қийин бўлиб қолгани ҳақида фикр билдирди.

"Коутиньонинг "Ливерпуль"дан "Барселона"га трансфери - бизнеснинг футболда акс этишининг яққол мисолидир. Клублар яхши футболчиларни таркибида сафлаб олишга қийналмоқдалар. "Ливерпул" тарихда дунёнинг энг яхши клубларидан бири саналади. Аммо Коутиньога ўхшаган футболчилар кетишни истаса, бунга қаршилик қилиш қийин. Роналду билан "МЮ"да, Зидан билан "Юве"да ва Фигу билан "Барса"да ҳам шундай бўлган эди. Бундай мисоллар кўп. Шунинг учун ўз футболчиларимиз ҳақида қайғуришимиз ва бу нарсани олдиндан пайқашимиз лозим.

Агар қайсидир клуб "Барселона" Коутиньога туўлагани каби катта пулни таклиф қилса, буни қандай тўхтатиш мумкин? Клоппнинг сўзларини эшитдим. Бизни ишимиз ҳақиқатан ҳам мураккаб", - дейди Почеттино.