«Реал» бош мураббийи Зайниддин Зидан Испания кубогининг 1/8 финал босқичи доирасида «Нумансия»га қарши бўлиб ўтган ўйин (2:2, биринчи ўйин – 3:0) борасида ўз фикрларини билдириб ўтди.

«Биз яхши ўйин ўтказдик, деб ўйлайман. Шунга қарамай, бизга ғайрат етишмади. Майдонга кам тушадиган футболчилар учун ўйнаш осон эмас. Биринчи ўйин ҳал қилувчи аҳамиятга эга бўлганди.

Нима хоҳласангиз ўйлашингих мумкин, аммо кам ўйин амалиётига эга бўлаётган футболчилар учун ҳақиқатан ҳам ўйнаш оғир. Биринчи ва иккинчи бўлим сўнгида бизни жазолашди. Умуман олганда, жамоа ўйинидан қониқиш ҳосил қилдик. Биз чорак финалга чиқдик ва бу муҳими.

Ўз уйимизда яна ғалаба қозона олмаганимиз мени хавотирга солмайди. Биз сидқидилдан ишлашда давом этиб, ижобий руҳда бўлишимиз керак. Ўзимизга тўла ишонч ҳосил қилишимиз учун 2-3та ўйинни ютишимиз керак. Таслим бўлмоқчи эмасмиз», – деди Зидан.