Флорентино Перес бошлиқ "Реал" раҳбарияти "ПСЖ" ҳужумчиси Неймарни унутгани йўқ, дея хабар беради Marca.
"Қироллик клуби" раҳбарияти жамоа ўйинидан хавотирда, шунинг учун кучли ўйинчи эмас, ростмана юлдузларни сотиб олмоқчи. Шу сабабли бир нечта юлдузлар номи келтирилмоқда, аммо мадридликларнинг наздида Неймарга тенг келадигани йўқ.
Манбага кўра, "Реал" каталонияликларнинг собиқ футболчисини 2019 йилнинг ёзида сотиб олмоқчи. Бразилиялик футболчининг сотиб олиниши муҳим стратегик қарор сифатида кўрилмоқда - Мадридликлар бу трансфер билан нафақат ўз таркибини кучайтиради, балки, "Барселона"га руҳий зарба беради.
"Барселона" бу каби воқеани 2000 йилда бошдан кечирган. Ўшанда Перес "Барселона" яримҳимоячиси Луиш Фигуни сотиб олган эди. Бундан ташқари, "Реал" маркетинг борасида муҳим масалани ҳал қилган бўлар эди.
"ПСЖ" раҳбарияти Неймарни ҳар қандай ҳолатда ҳам сотилмаслигини таъкидламоқда. Аммо мадридликлар Неймарнинг "Реал"га ўтишга қарши эмаслигига ишонмоқдалар.
