Германия терма жамоаси бош мураббийи Йоахим Лёв "Реал"да Зинедин Зиданни алмаштиришга асосий номзод бўлиб турибди дея хабар беради AS.
"Реал" ушбу мавсумда яхши ўйин кўрсатмаяпти ва матбуотда Зиданнинг истеъфоси ҳақида миш-мишлар пайдо бўла бошлади.
Франциялик мутахассиснинг мадридликлар билан шартномаси 2020 йилнинг ёзигача тузилган. Маълумотни Зиданнинг ўзи ҳам тасдиқлаган, аммо бу Флорентино Перес мураббийни истеъфога чиқармайди дегани эмас.
2016 йилда Пререс Зидан тайинлангунча Лёв билан учрашган, аммо немис мутахассиси ЖЧ-2018 мусобақаси охиригача Германия терма жамоасида қолишни маъқул кўрган.
Тахмин қилинишича, Зидан истеъфога чиқса, Перес Лёвни таклиф қилади Лёв Германия футбол федерацияси билан 2020 йилгача шартнома имзолаган.
