«Реал» бош мураббийи Зайниддин Зидан «Вильярреал»га қарши ўйин (0:1) борасида ўз фикрларини билдириб ўтди.

«Муаммо шундаки, биз гол ура олмаяпмиз ва қийинчиликларга дуч келяпмиз. Биз мағлубиятга муносиб эмасдик. Ўйлайманки, биз яхши ўйин ўтказдик. Лекин гол ура олмадик. Бу эса аҳволимизни қийинлаштириб қўйди.


Тўп дарвозага киришни истамади. Вазиятлар юзага келганда, улардан фойдаланишимиз керак. Сўнгги ўйинларда шундай муаммоларга дуч келяпмиз. Гол уриш учун вазиятлар яратяпмиз, аммо якунда... Биз бунга муносиб эмасдик.

Аҳволимиз оғирлашмоқда. Бугун биз ютқаздик, лекин таслим бўлишимиз керак эмас. Ишлашда давом этиш керак. Шунча салбий нарсаларга қарамай, биз ижобий руҳиятга тушиб олишимиз керак.

Бугун ғалаба қозониш учун қўлдан келган барча ишни қилдик, кўп вазиятлар яратдик, лекин тўп дарвозага киришни истамади. Бунга изоҳ бера олмайман. Ёқимиз серияни давом эттиряпмиз. Ўйинчиларга оғир бўляпти. Уларни айблай олмайман», – деди Зидан.