Франция чемпионати голни аниқлаб берувчи тизимдан фойдаланмайди. Бу қарор кетма–кетма тизимдаги хатоликлар туфайли қабул қилинди.

Маълум бўлишича тизим “Амьен”- ПСЖ ўйини (0:2) да носозликка учраган, яъни баҳсли вазиятда ҳакамни қўл соатига қандай қарор қабул қилиш ҳақида хабар келмаган. Шундан сўнг, “Анжер” – “Монпелье” ўйини (0:1) да ҳам яна хатолик юз берди. Учрашув давомида ҳеч қандай баҳсли ҳолат юз бермаган бир пайтда ҳакамнинг қўл соатига нотўғри маълумот келган.  Бу икки ҳолат туфайли Франция 1 лигаси голни аниқлаб берувчи тизимдан воз кечишни маълум қилди.