Бугун 23 ёшгача бўлган футболчилар ўртасида Осиё чемпионати финал босқичи “А” гуруғи 3-турига старт берилади. Айни дамда, иккинчи турдан сўнг 3 очко билан гуруҳда иккинчи ўринни эгаллаб турган Ўзбекистон олимпия термаси гуруҳда сўнгги ўринда бораётган Уммонга қарши майдонга тушади.

Хитойга қарши учрашувдан кейин матбуот анжуманида жамоа бош мураббийи Равшан Ҳайдаров Уммонга қарши жамоа янада жиддийроқ тайёргарлик кўришини таъкидлаган эди.

“Биз Уммонга қарши учрашувда янада жиддийроқ тайёргарлик кўрамиз. Гуруҳдаги вазият қийин ва кейинги ўйинда фақат ғалаба учун тўп сурамиз”, - деди Ҳайдаров.

Ушбу мусрбақанинг илк турида жароҳат олган Акром Комилов майдонга тушиши ноаниқ. Ҳимоячи жамоа машғулотларида шуғулланмоқда, аммо унинг жароҳати тўлиқ тузалмаган ва унинг майдонга тушиши ҳамон сўроқ остида.

Бугунги рақиб Уммон икки турдан сўнг гуруҳда сўнгги ўринни эгаллаб турибди. Аммо, жамоа бунгача иккита учрашувда ҳам яхши таассурот қолдирган.  Уммон турниргача Форз Кўрфази кубогида иштирок этиб, ушбу турнирда ғалаба қозонган ва жамоанинг кучли томонлари кўп.

Ўзбекистон ва Уммон учрашуви“Спорт” телеканалида соат 13:00 дан бошлаб тўғридан-тўғри намойиш этилади.

U-23 Осиё чемпионати
“A” гуруҳи, 3-тур
15 январь, душанба

13:00  Ўзбекистон  – Уммон