Испания ҳуқуқ тартибот органлари "Барселона" ҳужумчисини солиқларнинг бир қисмини яширганликда гумон қиляпти, дея хабар беради Spiegel.
Нашрга кўра, терговчилар аргентиналик юлдузнинг хайрия ишлари билан шуғулланувчи фонди ҳақида маълумотлар тўпламоқда.
Месси 2012 йилдан буён бир йилда бир нечта хайрия учрашувлари ташкил қилади ва ундан тушган маблағларни шу фондга ўтказади. Аммо полициянинг фикрича, маблағларнинг катта қисми бу фонд ҳисоб рақамига тушмайди.
Аввалроқ, ОАВда Мессининг "Барселона"даги йиллик даромади 100 миллион евродан ошиши хабар қилинган эди.
