"Бавария" яримҳимоячиси Ҳамес Родригес ўзининг "Реал"даги даврини танқид қилишларини тўғри эмас деб ҳисоблайди.

Колумбиялик футболчининг трансфер ҳуқуқи "Реал"га тегишли бўлиб, у мюнхенликлар сафида ижарада ўйнамоқда.

"Зидан билан муносабатларимиз яхши бўлганми, билмайман. Шунингдек, у менга адолатсизлик қилганми, буни ҳам билмайман. Ҳар бир мураббийнинг ўз қараши бор. У менинг футбол кумирим эди. "Реал"дан кетишим қайғули ва оғир бўлганди, чунки, бу жамоа менинг орзум эди.

Мен "Реал" машғулотларида ёмон қатнашганим ҳақидаги гапларга қўшилмайман. Аксинча, мен икки карра кўпроқ ишлаганман. Ҳар доим талаб қилинган савияда бўлишга интилганман. Менинг виждоним тоза. Майдонга тушганимда 100 фоиз кучимни сарфлаганман", - дейди Ҳамес.