"Bavariya" yarimhimoyachisi Hames Rodriges o‘zining "Real"dagi davrini tanqid qilishlarini to‘g‘ri emas deb hisoblaydi.
Kolumbiyalik futbolchining transfer huquqi "Real"ga tegishli bo‘lib, u myunxenliklar safida ijarada o‘ynamoqda.
"Zidan bilan munosabatlarimiz yaxshi bo‘lganmi, bilmayman. Shuningdek, u menga adolatsizlik qilganmi, buni ham bilmayman. Har bir murabbiyning o‘z qarashi bor. U mening futbol kumirim edi. "Real"dan ketishim qayg‘uli va og‘ir bo‘lgandi, chunki, bu jamoa mening orzum edi.
Men "Real" mashg‘ulotlarida yomon qatnashganim haqidagi gaplarga qo‘shilmayman. Aksincha, men ikki karra ko‘proq ishlaganman. Har doim talab qilingan saviyada bo‘lishga intilganman. Mening vijdonim toza. Maydonga tushganimda 100 foiz kuchimni sarflaganman", - deydi Hames.
