Аргентина терма жамоасининг яримҳимоячиси Анхель Ди Мария ЖЧ-2018 олдидан фикрлари билан ўртоқлашди.
Аргентина мундиалда Хорватия, Нигерия ва Исландия термалари билан бир гуруҳда кураш олиб боради.
"Аргентина фаворитлар рўхатида биринчи, чунки унда Месси бор.
Месси буюк футболчи эканини исботлаб бўлган. Жаҳон чемпионатида ғолиблик буни тасдиқлаши мумкин, аммо у бусиз ҳам энг яхши. Умид қиламанки, футбол Мессига Жаҳон кубогини тақдим қилади - бу ҳамма учун яхши бўлади. У ҳамма нарсага эришди, унга биргина жаҳон тожи етишмаяпти. Аргентиналик ва дўст сифатида у бунга Россияда эришишини тилайман", - дейди Ди Мария.
