"Барселона" клуби ҳимоячи Самуль Умтити билан шартномасини узайтириш истагини билдирди.

Mundo Deportivo хабарига кўра, клуб раҳбарияти футболчи ва унинг агентини ўз истакларидан хабардор қилган.

Каталонияликлар аввал Херард Пике ва Серхи Роберто билан янги шартнома тузмоқчи. Ундан сўнг франциялик футболчи билан шуғулланадилар.

24 ёшли ҳимоячи 2016 йилда "Лион"дан келиб қўшилган, унинг амалдаги шартномаси 2021 йилнинг ёзигача тузилган.

Аввалроқ, Умтитига "Манчестер Сити" қизиқаётгани ва унинг учун 60 миллион евро беришга тайёр экани хабар қилинган эди.