“Ливерпуль” ҳужумчиси Роберто Фирмино ўзининг майдондаги жойлашуви ҳақида фикрларини билдирди.
“Клопп “Ливерпуль”га мураббий бўлгандан кейин ҳужум чизиғида ўйнашни бошладим. Аввал мен ҳужумчи бўлмаганман, лекин янги позицияда қанча кўп ўйнасам, бу жой менга кундан-кун ёқиб қолмоқда.
Янги ўрнимга деярли кўникиб кетдим ва ўзимни ҳужумчи ролида яхши ҳис қиляпман. Умид қиламанки, фаолиятим якунига қадар ҳужумчи бўлиб қоламан.
Шерикларимга берган пасларим ва ураётган голларимдан хурсандман. Жамоадошлар голларига пас бериш ҳам муҳим ҳисобланади. Доим машғулотларда қаттиқ ишлайман ва жамоамга фойда олиб келиш учун ҳаракат қиламан.
Ҳар бир ўйин учун ўзимни жисмонан ҳамда маънан тайёрлайман. Тўғри овқатланаман ва ҳар бир ўйин олдидан юқори даражали футболчи бўлиш учун дуо қиламан”, – деди Фирмино.