“Liverpul” hujumchisi Roberto Firmino o‘zining maydondagi joylashuvi haqida fikrlarini bildirdi.
“Klopp “Liverpul”ga murabbiy bo‘lgandan keyin hujum chizig‘ida o‘ynashni boshladim. Avval men hujumchi bo‘lmaganman, lekin yangi pozisiyada qancha ko‘p o‘ynasam, bu joy menga kundan-kun yoqib qolmoqda.
Yangi o‘rnimga deyarli ko‘nikib ketdim va o‘zimni hujumchi rolida yaxshi his qilyapman. Umid qilamanki, faoliyatim yakuniga qadar hujumchi bo‘lib qolaman.
Sheriklarimga bergan paslarim va urayotgan gollarimdan xursandman. Jamoadoshlar gollariga pas berish ham muhim hisoblanadi. Doim mashg‘ulotlarda qattiq ishlayman va jamoamga foyda olib kelish uchun harakat qilaman.
Har bir o‘yin uchun o‘zimni jismonan hamda ma’nan tayyorlayman. To‘g‘ri ovqatlanaman va har bir o‘yin oldidan yuqori darajali futbolchi bo‘lish uchun duo qilaman”, – dedi Firmino.
