«Барселона» клуби мухлислари учун хушхабар бор. Филиппе Коутиньонинг жароҳатдан тузалиш жараёни яхши кечмоқда. Бу ҳақда "кўк-анорранглилар" расмий веб-сайти хабар тарқатди.
Яқинда Филиппе «Барса» аъзосига айланганди. Тиббий кўрик пайтида унинг сон қисмида жароҳат борлиги аниқланганди, аммо бу унчалик жиддий жароҳат эмас.
Расмий сайтга кўра, бразилиялик футболчи муддатидан аввал соғайиб бормоқда. У январь ойининг ўзида майдонга тушиши мумкин.