“Бавария” клуби ярим ҳимоячиси Йозуа Киммих Германияда 2017 йилнинг энг яхши футболчиси сифатида эътироф этилди.
22 ёшли футболчи Германия футбол федерацияси расмий сайтида ўтказилган сўровномада 45,3 фоиз овоз тўплашга муваффақ бўлган.
Киммих бу борада “ПСЖ” ярим ҳимоячиси Юлиан Дракслер (37,8 фоиз) ва “Барселона” дарвозабони Марка-Андре тер Штеген (4,7 фоиз) ларни ортда қолдирган.
Маълумот учун, Киммих ўтган йил Германия терма жамоаси билан Конфедерациялар кубоги ва “Бавария” билан бундеслига чемпиони бўлганди.
