"Лион" президенти Жан-Мишель Оляс Франция чемпионатининг 22-турида "ПСЖ" билан учрашув олдидан (21 январь) жамоа ҳужумчиси Набиль Фекирни парижликлар ҳужумчиси Неймардан устун қўйишини айтди.
"Мен Неймарсиз "ПСЖ"ни кўрганман. Бразилиялик футболчи ўз жамоасига катта фойда келтирмоқда. Аммо мен Фекирни Неймардан устун қўяман. Бу фикримни интервьюга сарлавҳа қилиб қўйманг. Акс ҳолда Неймар якшанба куни бу фикрим хато эканини исботлашга тушади. Набиль бизнинг кичик Неймаримиздир. Шунингдек, Бертран Траоре ҳам дриблинги ва тезлиги билан Неймарга ўхшаб кетади", - дейди Оляс.
Фекир ушбу мавсумда 18 учрашувда 15 та гол урган ва 4 та голга тўп оширган.
