Франция терма жамоасининг собиқ бош мураббийи Лоран Блан ЖЧ-2018да қайси терма жамоалар фаворитлигини айтиб ўтди.
«Мен ЖЧ-2018 ғолиблиги учун даъвогар тўртта жамоа номини айтишим мумкин. Биринчидан, Бразилия термаси. Уларда ажойиб ўйин услуби бор. Бу терма жамоа таркибига қаранг. Уларнинг ўйинини томоша қилиш роҳат бағишлайди.
Иккинчидан, Аргентинада ҳам натижа кўрсатиш учун имкон етарли. Сенда дунёнинг энг яхши футболчиси Месси ўйнар экан, ҳар доим фаворитлар қаторида бўласан.
Албатта, қолганлардан ажралиб турадиган иккита Европа жамоаларини айтиб ўтиш зарур. Булар Германия ва Испания. Франция ҳам сюрприз тақдим этиши мумкин бўлган жамоалар сирасига киради. Бу ерга шунингдек, Бельгияни ҳам қўшган бўлардим», — дейди Блан.
