Мадриднинг “Реал” клуби ходимлари марказий ҳимоячи излаш ишларини бошлаб юборишди.
“Қироллик клуби” жамоанинг аввалги марказий ҳимоячиси Пепенинг Туркияга жўнаб кетганидан сўнг, янги ҳимоячи хизматларига муҳтож бўлиб қолишган.
“Реал” аввалроқ Хесус Вальехони ижарадан қайтарганди, аммо унинг тинимсиз жароҳатлари раҳбарларни безовта қилмоқда. Бундан ташқари, Рафаэль Варан тиззасидаги жароҳати сабаб камида учта ўйинни ўтказиб юборади.
Маълумотларга кўра, “Реал” скаутлари айни вақтда Испаниянинг ўзидан арзонроқ марказий ҳимоячи излашмоқда.
