Айни вақтда Испания чемпионатининг 20-туридан ўрин олган “Реал” – “Депортиво” учрашуви давом этмоқда.
Ўйиннинг 23-дақиқасига келиб, меҳмонлар футболчиси Адриан ҳисобни очганди.
Орадан 9 дақиқа ўтиб, “Реал” ҳимоячиси Начо ўйинда ҳисобни тенглаштирганди. 42-дақиқада Гарет Бэйл “қироллик клуби”ни олдинга олиб чиқди.
Иккинчи бўлимнинг 58-дақиқасида яна Гарет Бэйл катта саҳнага чиқди ва мадридликларнинг учрашувдаги учинчи голига муаллифлик қилди.
68-дақиқага келиб ўйинда ҳисоб йириклашди. Бу сафар Лука Модрич ўзини кўрсатди.
Орадан яна 10 дақиқа ўтиб, Криштиану Роналду ўнг томондан ташлаб берилган узатмани голга айлантирди.
Афтидан, бугун Роналду ва Бэйлнинг юриши омадли чиқганга ўхшайди. Роналду ҳам Бэйлдан қолишмасдан, дубль муаллифига айланди. 6:1.
Шундан сўнг Начо ҳам Роналду ва Бэйл сингари учрашувда дубль муаллифига айланди. 7:1. “Реал” йирик ҳисобда ғалаба қозонмоқда.
