Испания чемпионатининг 20-туридан ўрин олган “Реал” Мадрид ҳамда “Депортиво” жамоалари ўртасидаги учрашув якунига етди.
Голларга бой ўйинда 7:1 ҳисоби қайд этилиб, мадридликлар йирик ғалабага эришишди.
Дастлаб, ўйиннинг 23-дақиқасида меҳмонлар олдинга чиқиб олишганди, аммо “Реал” шунга қарамай, хавфли ҳужумларни уюштиришда давом этди ва 32-дақиқада мақсадига етди. Начо гол муаллифи. Шундан сўнг “қироллик клуби” ўйинда яна олтита гол урди. Модрич битта гол урган бўлса, Бэйл, Начо ва Роналдулар дубль муаллифига айланишди.
Зинеддин Зидан шогирдлари мазкур ғалабадан сўнг, Испания Ла лигасида битта кам ўйин ўтказган ҳолда 35 очко билан 4-ўринга қайтди.
Ла Лига. 20-тур.
Реал Мадрид – Депортиво 7:1 (2:1, 5:0)
Голлар: 0:1 – 23 Адриан, 1:1 – 32 Начо, 2:1 – 42 Бэйл, 3:1 – 58 Бэйл, 4:1 – 68 Модрич, 5:1 – 78 Роналду, 6:1 – 84 Роналду, 7:1 – 88 Начо.
Реал Мадрид – Навас, Варан, Марсело, Карвахаль, Начо, Модрич (Ковачич, 76), Каземиро, Кроос, Бэйл (Васкес, 82), Роналду, Майораль (Бензема, 64).
Депортиво – Мартинес, Шер, Луизинью, Хуанфран, Альдо Оне, Москера (Экспосито, 48), Гильерме, Борхес (Чолак, 54), Адриан, Перес, Андоне (Хиль, 79).
Огоҳлантиришлар: Андоне (38), Перес (56).