Испания чемпионатининг 20-турида "Депортиво" билан учрашув олдидан стадион туннелида "Реал" ҳужумчиси Криштиану Роналду ва ёш футболчи ўртасида ҳазил оҳангида қизиқарли суҳбат бўлиб ўтди.
Marca хабарига кўра, футболчи болалардан бири Роналдуга шундай деди: "Мен учун энг зўр футболчи - сенсан. Месси эса..." Роналду эса боланинг фикрини ҳазил оҳангида давом эттириб қўя қолди: "...Месси эса - ёмон футболчи".
Суҳбатга болалардан яна бири қўшилди ва Мессини дунёдаги энг заиф футболчи деб атади.
Учрашувда "Реал" "Депортиво" 7:1 ҳисобида мағлуб этди, Роналду "дубль"га эришди.