"Арсенал" бош мураббийи Арсен Венгер жамоа яримҳимоячиси Алексис Санчеснинг "МЮ"га йўл олаётгани хусусида фикр билдирди.
Санчес Манчестерда ҳафтасига 450 минг фунт маош олиши кутилмоқда.
"Арсенал"ни тарк этаётганларни тушунмайман. Аммо трансфер бозори ичида 30 йил юриб, одамлар тўғрисида кўп нарса билиб оласан экан.
Менимча, бу унинг юқори савиядаги охирги катта шартномаси. Ҳаммасини торозига солиб, уни қўйиб юборишга қарор қилдик. Санчесни олиб қолиш учун ҳамма нарса қилдик. У билан шартномани узайтириш имкониятимиз қолмаганидан "Манчестер Сити" ҳам курашдан чиқиб кетди.
Биз энг яхши қарорга келишга ҳаракат қилдик. Натижада дунё миқёсидаги футболчи билан хайрлашишимизга тўғри келди, аммо унинг ўрнига муносиби бор. Тўғри қилдикми, ёки аксинча, буни вақт кўрсатади", - дейди Венгер.
