"Arsenal" bosh murabbiyi Arsen Venger jamoa yarimhimoyachisi Aleksis Sanchesning "MYU"ga yo‘l olayotgani xususida fikr bildirdi.
Sanches Manchesterda haftasiga 450 ming funt maosh olishi kutilmoqda.
"Arsenal"ni tark etayotganlarni tushunmayman. Ammo transfer bozori ichida 30 yil yurib, odamlar to‘g‘risida ko‘p narsa bilib olasan ekan.
Menimcha, bu uning yuqori saviyadagi oxirgi katta shartnomasi. Hammasini toroziga solib, uni qo‘yib yuborishga qaror qildik. Sanchesni olib qolish uchun hamma narsa qildik. U bilan shartnomani uzaytirish imkoniyatimiz qolmaganidan "Manchester Siti" ham kurashdan chiqib ketdi.
Biz eng yaxshi qarorga kelishga harakat qildik. Natijada dunyo miqyosidagi futbolchi bilan xayrlashishimizga to‘g‘ri keldi, ammo uning o‘rniga munosibi bor. To‘g‘ri qildikmi, yoki aksincha, buni vaqt ko‘rsatadi", - deydi Venger.
