Янги мавсумга тайёргарликни бошлаган “Шўртан” жамоаси 21 январь куни дастлабки синов назорат учрашувини ўтказди. Ғузордаги “Болалар ва ўсмирлар футбол мажмуаси” майдонида “Оқ бўрилар”нинг аралаш таркиби Асрор Алиқулов бош мураббийлигидаги мубораклик ёшларга қарши тўп суришди. Қизиқарли ўтган учрашувда Баҳодир Шоймардонов бошқарувидаги мезбонлар 2:1 ҳисобида ғалаба қозонишди.

“Шўртан”нинг ўтган йилги асосий таркибида бўлган тажрибали футболчи Отабек Нарзуллаев майдонда 90 дақиқа тўлиқ ҳаракат қилди. Ҳасанбой Эргашев, Руслан Мельзеддинов ҳамда Олим Каримов каби етакчи футболчилар йиғинга бироз кечроқ қўшилишгани боис, улар якка тартибда машғулотларда иштирок этишди.

“Шўртан” – “Машъал” – 2:1. Ғузор. 100 томошабин.

Ҳакамлар: Равшан Абдувоҳидов, Фарҳод Усмонов, Элнур Дониёров (ҳаммаси Қарши).

“Шўртан”: Акмал Раҳимов, Акром Баҳромов, Отабек Нарзуллаев, Мирмуҳсин Сатторов, Нурали Падаров, Шамсиддин Сагдуллаев, Ислом Бойсариев, Аслиддин Абдиев, Оғабек Эркинов, Нурбек Йўлдошев, Жасур Холтўраев.

Захирадан тушганлар: А.Туробов, С.Мирзаев, А.Муродуллаев, И.Шодмонов, М.Абдураҳимов, А.Мирзаёров, Н.Рамозонов.

“Машъал”: Достон Тўхтабоев, Зафар Акромов, Шаҳзод Тоғаев, Муҳриддин Алиқулов, Бекзод Турсунов, Миржалол Аннаматов, Ёдгор Назаров, Мирзоҳид Эгамбердиев, Раҳматулло Шавкатов, Дониёр Умаров, Ойбек Жўраев.

Захирадан тушганлар: Ш.Зиёвуддинов, Б.Аҳмаджонов, Р.Ёрқулов, Ш.Абдувоитов, Б.Шайдулов, Б.Қиличев, Ф.Муҳаммадиев.

Голлар: А.Абдиев, А.Мирзаёров – Б.Турсунов.

“Шўртан” ПФК матбуот хизмати