Yangi mavsumga tayyorgarlikni boshlagan “Sho‘rtan” jamoasi 21 yanvar kuni dastlabki sinov nazorat uchrashuvini o‘tkazdi. G‘uzordagi “Bolalar va o‘smirlar futbol majmuasi” maydonida “Oq bo‘rilar”ning aralash tarkibi Asror Aliqulov bosh murabbiyligidagi muboraklik yoshlarga qarshi to‘p surishdi. Qiziqarli o‘tgan uchrashuvda Bahodir Shoymardonov boshqaruvidagi mezbonlar 2:1 hisobida g‘alaba qozonishdi.
“Sho‘rtan”ning o‘tgan yilgi asosiy tarkibida bo‘lgan tajribali futbolchi Otabek Narzullayev maydonda 90 daqiqa to‘liq harakat qildi. Hasanboy Ergashev, Ruslan Melzeddinov hamda Olim Karimov kabi yetakchi futbolchilar yig‘inga biroz kechroq qo‘shilishgani bois, ular yakka tartibda mashg‘ulotlarda ishtirok etishdi.
“Sho‘rtan” – “Mash’al” – 2:1. G‘uzor. 100 tomoshabin.
Hakamlar: Ravshan Abduvohidov, Farhod Usmonov, Elnur Doniyorov (hammasi Qarshi).
“Sho‘rtan”: Akmal Rahimov, Akrom Bahromov, Otabek Narzullayev, Mirmuhsin Sattorov, Nurali Padarov, Shamsiddin Sagdullayev, Islom Boysariyev, Asliddin Abdiyev, Og‘abek Erkinov, Nurbek Yo‘ldoshev, Jasur Xolto‘rayev.
Zaxiradan tushganlar: A.Turobov, S.Mirzayev, A.Murodullayev, I.SHodmonov, M.Abdurahimov, A.Mirzayorov, N.Ramozonov.
“Mash’al”: Doston To‘xtaboyev, Zafar Akromov, Shahzod Tog‘ayev, Muhriddin Aliqulov, Bekzod Tursunov, Mirjalol Annamatov, Yodgor Nazarov, Mirzohid Egamberdiyev, Rahmatullo Shavkatov, Doniyor Umarov, Oybek Jo‘rayev.
Zaxiradan tushganlar: SH.Ziyovuddinov, B.Ahmadjonov, R.YOrqulov, SH.Abduvoitov, B.SHaydulov, B.Qilichev, F.Muhammadiyev.
Gollar: A.Abdiyev, A.Mirzayorov – B.Tursunov.
“Sho‘rtan” PFK matbuot xizmati
