"ПСЖ" ҳужумчиси Неймар Франция кубоги доирасида "Генгам"га қарши эртага бўлиб ўтадиган ўйинда қатнашмаслиги мумкин.
Le Parisien хабарига кўра, унинг сонидан олган жароҳати жиддий эмас. Аммо Неймар енгил ноқулайлик сезмоқда. Бу унинг ўйинига ҳалақит бермаслиги мумкин.
Бироқ, Неймар чемпионлар лигаси олдидан таввакаал қилмасликни маъқул кўрмоқда, шунингдек, "Дижон" билан ўйинда (8:0) ўзига ҳуштакбозлик қилган мухлислардан хафа. "ПСЖ" раҳбарияти бундан ташвишда, чунки футболчига "Реал" кўз ташлаган.
Мухлислар Неймар пенальтини Каванига бермагани учун унга ҳуштакбозлик қилган эдилар. Кавани агар пенальтидан фойдаланиб гол урганида клубнинг энг яхши тўпурарига айланар эди.
