"Арсенал" бош мураббийи Арсен Венгер жамоанинг собиқ футболчиси Алексис Санчеснинг допинг назоратини ўтказиб юборгани хусусида фикр билдирди.
Допинг назоратчилари "Арсенал" қароргоҳига келиб, Санчесдан тест олишлари керак эди, аммо у клуб рухсати билан "МЮ" тиббий кўригидан ўтиш учун жўнаб кетди.
"У учун бу ўзгача кун бўлди. Музокаралар ўтди. Бундай вазиятда у допинг назоратини ўтказиб юбориши мумкин. Унда допинг борасида қандайдир муаммо топилиши мени безовта қилмайди.
Маъмурий томондан бу бизнинг айбимиз. У ўша куни "МЮ"га ўтди. Биз одатда ўйинчиларимизга қулай шароит яратамиз", - дейди Венгер.
