Эртага Хитойнинг Чангжоу шаҳрида 23 ёшгача бўлган футболчилар ўртасидаги Осиё чемпионатининг финал баҳси бўлиб ўтади. Айни пайтда Хитойда совуқ об-ҳаво ҳукмронлик қилиб, қалин қор ёғмоқда.

Натижада финал учрашуви бўлиб ўтадиган "Changzhou Olympic Sports Centre" майдони қор билан қопланмоқда. Мусобақа ташкилотчилари стадионни финал ўйинига тайёрлаш учун қизғин меҳнат қилишмоқда: майдонни қордан тозалаш ишлари олиб борилмоқда.

Эслатиб ўтамиз, финал ўйини Вьетнам U23 ва Ўзбекистон U23 терма жамоалари ўртасида Тошкент вақти билан 13:00да бошланади.