Тошкентнинг “Пахтакор” клуби аъзоси Акмал Шораҳмедов янги жамоаси, ОЧЛ саралаши доирасидаги “Ал Гарафа”га қарши баҳс ҳақида тўхталди.
“30 январь кунги рақибимиз – “Ал Гарафа” таркибида ўзгаришлар катта. Уэсли Снейдерга қарши ўйнаймиз. Бироқ футболни бир киши ўйнамайди. Ўзим “Пахтакор” тарбияланувчисиман. Шу боисдан бу ердагилар мени илиқ кутиб олишди. Шунингдек, янги футболчилар ротацияда мухим роль ўйнашади. Ҳар ҳолда, ўйинларда захиранинг кучли бўлиши – ғалабаларни келтира олади.
Янги мавсум қизиқарли бўлишини кутяпман. Ҳар 3 кунда ўйин ўтказиш – дунё футболида кўп кузатиладиган ҳолат. Чэт эллик мураббий билан ишламагандим. Шота Арвеладзе қўл остида “Пахтакор” юқори чўққиларга эриша олиши мумкин”, - дейди Шораҳмедов.
