Toshkentning “Paxtakor” klubi a’zosi Akmal Shorahmedov yangi jamoasi, OCHL saralashi doirasidagi “Al Garafa”ga qarshi bahs haqida to‘xtaldi.
“30 yanvar kungi raqibimiz – “Al Garafa” tarkibida o‘zgarishlar katta. Uesli Sneyderga qarshi o‘ynaymiz. Biroq futbolni bir kishi o‘ynamaydi. O‘zim “Paxtakor” tarbiyalanuvchisiman. Shu boisdan bu yerdagilar meni iliq kutib olishdi. Shuningdek, yangi futbolchilar rotasiyada muxim rol o‘ynashadi. Har holda, o‘yinlarda zaxiraning kuchli bo‘lishi – g‘alabalarni keltira oladi.
Yangi mavsum qiziqarli bo‘lishini kutyapman. Har 3 kunda o‘yin o‘tkazish – dunyo futbolida ko‘p kuzatiladigan holat. Chet ellik murabbiy bilan ishlamagandim. Shota Arveladze qo‘l ostida “Paxtakor” yuqori cho‘qqilarga erisha olishi mumkin”, - deydi Shorahmedov.
