Бугун, 29 январь куни Осиё чемпионлар лигаси саралаш плей-офф босқичи доирасида “Пахтакор” Доҳада “Ал-Ғарафа” меҳмони бўлди.
Тошкентликлар учун қийин ўтган ўйинда вакилларимиз 2:1 ҳисобида мағлубиятга учрашди ва ОЧЛ гуруҳ босқичидан қуруқ қолишди. Дастлаб, Уэсли Снейдер 20-дақиқада пенальтидан гол уриб, жамоасини олдинга олиб чиқди.
28-дақиқада эса Диего Амадонинг зарбасини Александр Лобанов қайтара олмади ва ҳисоб 2:0 кўринишига келди.
Иккинчи бўлимга қўшиб берилган дақиқаларда Жасур Ҳакимов жавоб голини уришга эришди, аммо бу гол “шерлар”нинг мағлубиятдан қутулиб қолишига кўмак бера олмади ва “Пахтакор” бу йилги ОЧЛда ўйнамайдиган бўлди.
ОЧЛ, саралаш плей-офф.
“Ал Гарафа” – “Пахтакор” 2:1
Голлар: Снейдер 20 пенальти, - 1:0. Диего Амадо 28, - 2:0. Жасурбек Ҳакимов 90+3, - 2:1.
"Ал Гарафа": Қосим Бурхон, Маҳди Мухтор (Саид Ҳақ, 11), Робери Фассиана, Фаҳид Шаммари, Монкез Ади, Ассим Модибо (Холид Зереқи, 76), Диого Амадо, Абдулазиз Ҳатим (Тамир Жамол, 65), Аҳмад Аълаалдин, Уэсли Снейдер, Меҳди Тареми.
Захира: Юсуф Ҳассан, Юсуф Муфта, Отман Яҳри, Моаяд Ҳассан.
"Пахтакор": Александр Лобанов, Владимир Козак, Шерзод Аъзамов, Марко Симич (с), Акмал Шораҳмедов, Дилшод Раҳматуллаев, Азимжон Аҳмедов (Жасурбек Ҳакимов, 76), Жалолиддин Машарипов, Жамшид Искандеров, Баҳром Абдураҳимов (Жасурбек Яхшибоев, 62), Тиаго Безерра.
Захира: Элдорбек Суюнов, Акбар Исматуллаев, Камолиддин Тожиев, Фарруҳ Сайфиев, Ростин Гриффитс.
Огоҳлантиришлар: Жамшид Искандеров 22, Меҳди Тареми 48, Ассим Модибо 68, Саид Ҳақ 85, Марко Симич 85.
